पोवळे हे उष्ण गुणधर्माचे पुरूष रत्न आहे.हे जैविक रत्न आहे.लहान मुलांच्या गळयात पोवळयाची माळ
घातली असता पोटात दुखणे,मुडदुसपासून संरक्षण मिळते.प्रवाळ अंजनामुळे डोळयांचे विकार होत नाही व
दृष्टी तेजस्वी बनते.वात,पित्त,कफ,आम्लपित्त,वायुविकार ही नष्ट होतात.
आयग्लासमधून पाहिले असता ख- या रत्नांवर लहान लहान रत्नकण दिसतात.खोट्या प्रवाळांवर रत्नकणांचा अभाव असतो.मात्र कोणत्याही परिस्थितीत डागाळलेले,मळकट,पांढरे कण दिसणारे,छिद्र असलेले,दुरंगी किंवा खड्डे असलेले पोवळे घेऊ नये.हे पोवळे दोषयुक्त समजले जातात.
सर्वसाधारणपणे:- १. मंगळ अस्तंगत रविबरोबर असेल तर
२. मिथुन,कन्या राशीत मंगळ शुभयोगात असेल तर
३. पत्रिकेत मंगळ १२ व्या ,पहिल्या,चौथ्या,सातव्या,आठव्या स्थानात असेल तर
४. वृश्चिक,मेष,मकर राशीत मंगळ उच्चीचा असेल तर
५. लग्नेशाच्या शुभयोगात मंगळ असेल तर किंवा रवि,गुरू,बुध,चंद्र यांच्या नवपंचमात मंगळ असेल तर पोवळे वापरणे फायदेशीर ठरतो.
रंगाची चिकित्सा केली असता,म्हणजे लोलकातून पोवळयाचे निरिक्षण केले असता त्याचा रंग पिवळा दिसतो. तोच त्याचा खरा रंग असतो.
स्वास्थ बिघडण्यापूर्वी या रत्नाच्या रंगात फरक पडतो आणि प्रकृती चांगली झाली असता त्याला पुन्हा मूळ रंग प्राप्त होतेा.
पोवळे मंगळवारी दुपारी एक वाजल्यानंतर चांदी,तांबे,पंचधातूत जडवून उजव्या हाताच्या अनामिकेत धारण करावे.
